Сағыш тигән пер йаман сүс
Йөрәккә йара салты,
Суғышларны күргәннәрнең
Күсенән йәшләр аҡты.
Ҡанны, тың ацы суғышлар
Иц ҡацан онотолмас,
Үткәннәрне пелмәсәң син,
Алтта киләцәк пулмас.
Ата-ҡартаталарныңҡы
Патырлыҡлары анта,
Мыңнағаннар ҡайтматы та
Йатып ҡалты суғышта.
Уатан өцөн суғыштылар
Ҡубып цыҡты әр ҡалыҡ,
Пер пулып рәткә теселеп
Пер сүсле кенә пулып.
Суғышта ҡарты, йәше тә
Йер тырнап суғыштылар,
Йеңеү өцөн, песнең өцөн
Көцләрен түкте алар.
Кеше түсемнекле пулты,
Ҡалыҡ тырышты пергә,
Пөтөн ауырлыҡлар төштө
Ҡатын-ҡыслар өстөнә.
Килте йеңеү көн илләргә!
Кән-кән ҡаннар түгелте,
Мыңнағаннар ҡайта алматы
Тыуған йерләргә кире.
Ауылташлар тыныц ҡына
Пасып торатлар уйланып,
Герой пабаларның исеме
Тимертә йалтырайты йанып.
Көлнара Кәлейева
Гульнара Калиева
Присоединяйтесь к ОК, чтобы посмотреть больше фото, видео и найти новых друзей.
Комментарии 10