Предыдущая публикация
Кубаты күчтүү жүз грамм
Көзүмдүн агын канатып
Көкүрөк үнүн сабатып.
Көчөдөн көрдүм бир адам.
Жанынан өтүп баратып.
Аракка башы малынган.
Заар чыгат өтсөң жанынан.
Айбанга окшоп калыптыр.
Мойнуна чүлүк салынган.
Карабай катын балдары.
Жек көрүп калган малдары.
Кереги тийбей үйүнө.
Кетиптир өңү шайманы
Сурасам атын Болсун дейт.
Суюктук арак досум дейт.
Кош колун сунуп жалдырап.
Жүз грамм сизден болсун дейт
Көнүлдү жаман оорутту.
Аттиң дейм кайдан жолукту
Алыстап андан кете албай
Жүрөктүн демин соолутту.
Кылчайып артты караарда
Жолума түшүп басаарда.
Кечиргин балам келчи деп
Салды го мени санаага
Таштачы мага жүздү деп
Ушуну менен бүттү деп.
Бышактап ыйлап жиберип
Батасы аман жүрчү деп.
Жактырбай кеттим көздөрүн.
Укпастан качтым сөздөрүн
Үйүмө келип кирээрде
Энемен уктум өчкөнүн
Эсимен танып ошондо
Тунара түштү көздөрүм
Ав Ислам Кемелбеков Көпүрө-базар
Следующая публикация
Комментарии 2