«Тірі сөз» әдеби клубы, «Воля» казак халық әндері ансамблі және Дмитрий Михайлович Карбышев атындағы халықаралық қозғалыс

Кеңес Одағының Батыры, генерал-лейтенант Д.М. Карбышевтің туғанына 145 жыл толуын атап өтті.
Кездесу Павлодар қаласындағы Бөкейхан көшесі, 235-үйдің алдында өтті. Бұл үйде Батырдың анасы Лузгина Александра Ефимовнаға арналған ескерткіш тақта орнатылған.
Осы күні Ресей мен Қазақстанның бірқатар қалаларында да Дмитрий Карбышевтің мерейтойына арналған іс-шаралар өтті.
Міне, 80 жыл бойы оның ерлігі сынбас рухтың, қайтпас жігердің, төзім мен абыройдың, жауынгерлік борышқа адалдықтың символы болып келеді.
«Оның өмірі мен өлімі — өмір үшін болды» - бұл сөздер Маутхаузен концлагеріндегі Дмитрий Михайлович Карбышевтің ескерткішінде қашалып жазылған.