Предыдущая публикация
Արցախի հանձնումը տևեց 32 տարի։ Մենք ֆինալի ժամանակ նոր հասկացանք, թե ինչ է կատարվում։
Իսկ 32 տարի ինչով էինք զբաղված??
Ոչնչով։ Վարդագույն ակնոցներ հագած, հանդուրժում էինք երկու սրիկայի, ովքեր զավթել էին մեր իշխանությունը և մաս առ մաս ծախում մեր հայրենիքը։
Մենք հավասարապես ենք մեղավոր և պատասխանատու այս ամենի համար։ Մեղավոր ենք մեր անտարբերությամբ, հայրենիքը միայն արևոտ ու լավ օրերին սիրելու համար, 《էս երկիրը երկիր չի դառնա, ստեղից մի օր շուտ փախնելա պետք》, 《որտեղ հաց, այնտեղ կաց》,《էս անտեր երկիրը ումա պետք》,《մի կյանք եմ ապրում, լավ երկրում ապրեմ》《ինչի պիտի իմ տղեն ծառայի, տուն֊տեղ ծախեմ գնամ ստեղից》ասելու համար...
Ինձ բազմաթիվ արցախցիներ են ասել, թե իրանց աչքի առաջ Արցախի իշխանությունները տարիներ շարունակ ինչեր են արել , բայց իրանք տեսել ու լռել են։
Ծաղիկը եթե երկար ժամանակ չես ջրում, չորանում է։
Տունը երկար ժամանակ չես ապրում, վերջիվերջո քանդվում է։
Մեքենան երկար ժամանակ չես քշում, ժանգոտում , փչանում է։
Առողջությանդ չես հետևում, մահանում ես։
Արցախը ընկավ բոլոր անտարբերների, Արցախից թռածների, Արցախը չպաշտպանողների, Արցախը թալանողների, Արցախը չկառուցողների, Արցախը հայրենիք չհամարողների, Արցախը հեռվից սիրողների, Արցախի համար կեղծ սքեմավոր սատանաների արած աղոթքների, Արցախում Հայաստանից գնացած զինվորին նվաստացնելու, ծեծելու, սոված պահելու, խոշտանգելու, սպանելու, պատերազմի ժամանակ նրան լքելու, դավաճանելու, թիկունքից հարվածելու, միայնակ թողնելու, ժամանակին վիրավորին մեքենայով տեղափոխելը հրաժարվելու, պատերազմի ժամանակ կուբամետրներով Արցախից փախնելու , Մայր Հայաստանի թիկունքում դավադրություններ անելու, օտար ուժերին ծառայելու, Լևոն Հայրապետյանին, Վազգեն Սարգսյանին, Կարեն Դեմիրճյանին, Մոնթեին սպանելու համար...
Եթե լացում ենք, ուրեմն այ սրա համար պիտի լացենք...
ℹ️Քրիստինա Վարդանյան
Следующая публикация
Нет комментариев