Предыдущая публикация
Кӱ молнамок сӓндӓлӹкнӓм переген,
Кӱ кӹзӹт пыт кредӓлеш Элнӓ верц,
Кыдывлӓ ылыт лачокат ПӰЭРГӸ, –
Вот кӱлӓн келеш шытыр цилӓ вец!
НӸНӸЛӒН кымал, келесенӓ: « Тау!»
НӸНӸЛӒН – сек ӹнян яратымаш!
НӸНӸЛӒН – тыр дӓ ирӹк гишӓн – тау!
Лач НӸНӸ вел – мӓмнӓн ӹнянӹмӓш!
НӸНӸЛӒН шӱмнӓ вашток согоньленӓ:
Ситӓлык веле лижӹ тырхымаш!
Мӓ кечӹнь мӹнгеш толмыштым выченӓ
Дӓ ӹняненӓ: лиэш вӓшлимӓш!
Ти «НӸНӸ» шамак ылеш пишок келгӹ,
Цымырен поген кӧргӹшкӹ цилӓм:
Тӓгӱжӹн ӒТЯ, весӹн гӹньӹ ЭРГӸ,
Ӓль ПЕЛӒШ, кыдын верцӹн йыла йӓнг,
Лин кердеш ВИНГӸ, ШОЛЯ, ӸЗӒ, шергӹ,
Ӓли сек ӹнян, пуры, яжо ТӒНГ –
Пиш шукым (ы)жатен колтен шачмы Элнӓ –
Туанвлӓм дӓ сек лишӹлвлӓм ирсӓ!
Светлана Вассанова
Присоединяйтесь к ОК, чтобы посмотреть больше фото, видео и найти новых друзей.
Нет комментариев