МҮНХЭ ДУРАН

Хүгжэмынь С. Лхамаевагай
Үгэнь Д. Батоболотовагай
Залуу эдир хонгор наhамни
Залин мэтэ түргэн үнгэрбэ.
Зүрхэ сэдьхэл эльбэн доhолгоод,
Зүүдэн мэтэ дуран эрьебэ.
дабталга:
Хэды олон дабаан дабагдааб,
Хэды олон жэлнүүд үнгэрөөб,
Харин гансал дуран мүнхэ даа,
Халуун зүрхым жэгнэн байнал даа.
Аажам нютаг, дулаан буусадаа
Ажабайдал зохёон түбхинөөд,
Аляа жаахан хүбүүд, басагады
Альган дээрээ тэнжээн үндылгөөб.
дабталга:
Хэды олон дабаан дабагдааб,
Хэды олон жэлнүүд үнгэрөөб,
Харин гансал дуран мүнхэ даа,
Халуун зүрхым жэгнэн байнал даа.
Халуун дуран --үргэн замаймни,
Хани олон нүхэд зоноймни
Харгы зааhан мүшэн гээшэл даа,
Халюун дайдым сэсэг мэтэл даа.
дабталга:
Хэды олон дабаан дабагдааб,
Хэды олон жэлнүүд үнгэрөөб,
Харин гансал дуран мүнхэ даа,
Халуун зүрхым жэгнэн байнал даа.