Эбел,гьеб раг1иялъ жанир рачарал,
Г1умруялъул дарсал дида рихьич1о.
Жеги дун гьит1инго къвал дидаги бан,
Къвалакье дунги къан,дий г1акълу кьеч1о.
Дир хирияй,эбел,дун херлъаниги,
Хабар дуй бицуна,мун гьеч1ониги.
Рак1 букъараб минут,йоххараб лах1зат,
Духъе уна т1олго пикраби руссун.
Лъабкъойиде сонал сверулел руго,
Дир хирияй,баба,мун гьеч1елдаса.
Эбел йик1ун гьелъул къимат гьабич1ел,
Х1алихьатал лъимал г1емерлъун руго.
Гьале т1аде щолеб микьабилеб март,
Гьеб кинаб къояли дуда лъанадай?
Йигейанищ,эбел,жакъа мун ч1аго,
Т1олалго т1угьдул дуй сайгъат гьаризе.
Ц1ах1илал беразул,берцинай эбел,
Дир ургъелал дуе рикьизе анищ.
Хъах1аб дур к1аркьада убачги гьабун,
Дур бадие юссун,г1одизе анищ.
Г1адамаз абула дун къвак1арайин,
Мун камун бесдаллъун къвак1изе ккана.
Г1агарал рук1уна бажарарайин,
Бихьараб г1умруялъ кьуна дий къуват.
Я Аллагь ятайги мун алжаналда,
Г1исинго нижги тун,берал къанщарай.
Дуниял теялда йоххун ятайги,
Анищилан ккедал дуниял тарай.
П.Пайзудиновна.
Присоединяйтесь к ОК, чтобы посмотреть больше фото, видео и найти новых друзей.
Комментарии 7