.

Одно га (ҳа-зилча).
Суриб ёмон ўй, ҳаёл,
Ҳалққа келтириб малол.
Эркаксан бўлиб аёл,
Ҳеч кирмагин Одно.га
Кимнинг исми ўрисча,
Кимдадир инглизча.
Йигитсан бўлиб қизча,
Ҳеч кирмагин Одно.га
Кимнингдир исми қизиқ,
Кимдадир қуруқ чизиқ.
Ниятинг бўлса бузуқ,
Ҳеч кирмагин Одно.га
Ёзгин бировни сизлаб,
Ёлғонмас чинни сўзлаб.
"Эр" ёки "хотин" излаб,
Ҳеч кирмагин Одно.га
Бўлгин шарму ҳаёли,
Ўз ёрингга вафоли.
Ичиб кайфу сафоли,
Ҳеч кирмагин Одно.га
Ёзсанг ўрисча "билиб",
Ёзгин хатосиз қилиб.
Русларга кулгу бўлиб,
Ҳеч кирмагин Одно.га
Дўстлик таклиф қилсанг гар,
Дўст бўлгин мисли жигар.
Миллатчи бўлсанг агар,
Ҳеч кирмагин Одно.га
Кечса ҳамки жонини,
Мўмин сотмас танини.
Булғаб миллат шаънини,
Ҳеч кирмагин Одно.га
Майли шўх бўл, арзанда,
Эшит реп, қўшиқ, ханда.
Расм қўйиб шарманда,
Ҳеч кирмагин Одно.га
Ўқиб муҳокама ёз,
Мавзуларга бўлсин мос.
Гар сўкинсанг, илтимос,
Ҳеч кирмагин Одно.га
Фикримни шу пайтда,
Ёздим беш-олти байтда.
Ғийбатлар қилсанг сайтда,
Ҳеч кирмагин Одно.га
Само (Саид-Мохидилло)
Приморье ўлкаси. 14.03.19 й.