Предыдущая публикация
- Эй Абу Ҳанифа, - дедилар бир кун,
Бировни гапирмай ўтдингиз қандай?
Мавжланди Имомнинг кўзлари маҳзун:
"Сўровим ўзимдан ортмади, нетай..."
Оҳ, бу не ҳимматдир, илоҳий сезги,
Не жавоб айлайсиз, гуноҳкор юзлар?
Бугун қаршингизга қўйилса кўзгу,
Унда ҳам ўзгани кўрасиз, кўзлар...
Сизга нима бўлган, Худоё тавба,
Наҳот ўтиб бўлди, ҳаммасими кеч –
Оламни сўроқлаб чиққан ароба
Етиб келмадими ўзингизга ҳеч?
Йўқ, кўзлар гуноҳга узанар бу чоғ,
Қорайиб боражак умр – саҳифа.
Қай бир замонларда йўқолган сабоқ,
Билмай чарчаяпмиз, Абу Ҳанифа?!
Присоединяйтесь к ОК, чтобы посмотреть больше фото, видео и найти новых друзей.
Нет комментариев