ҮЧ ТИЛЕК
Бүт топтолуп дал бүгүн күч тирегим,
Бир башкача согууда түз жүрөгүм.
Эзелтеден айта албай катып келген,
Эже сизге бар эле үч тилегим.
Деген ойдо бүт өмүр тапшырылдык,
Деп узабай жашасын жактыруу нук.
Биздин ушу тилекти билиңиздер,
Биринчиси албетте бактылуулук.
Балкып чыкса бакыттын ыйык жыты,
Байыр алмак тагдырдын уюп куту.
Экинчиси эжекем үйүңөрдөн
Эч кетпесин кудайдын ырыскысы.
Ырыскынын дал анан алып демин,
Мактап айтсын коноктор чай ичкенин.
Үчүнчүсү ушул да үйүңөрдө,
Үнү чыксын ыңаалап наристенин!
Ээлеп ойлор таптаза жүрөк төрүн,
Эч тоскоолсуз каалоолор тиет дедим.
Ийгиликтүү келечек болуп дайым,
Ишке ашсын дал ушул тилектерим.
Керимбек


Присоединяйтесь — мы покажем вам много интересного
Присоединяйтесь к ОК, чтобы посмотреть больше фото, видео и найти новых друзей.
Нет комментариев