"Без меры" (Запас беды не чинит (руск.) Co za duzo to niezdrowo (польск.)) Значыцца многа, калі без меры: Без меры нехта ваду ліе, Без меры гаворак, без меры паперы, Без меры чужыя, без меры свае. Без меры клянуцца некаму ў дружбе, Без меры таму падаюць руку, Каго павышаюць без меры па службе Ва ўсім яго безразмерным вяку. Без меры табе адчыняюць дзверы, Як трэба парада, прытулак і хлеб, І адзінокім будзеш без меры, З няшчасцем сваім ды падзецца дзе б. Без меры адзін разрывае жылы Для брата, суседа, для нас з табой. І патрабуе без меры пастылы Правы на павагу і на любоў. Без меры адзін мяняе кватэры, Другі без меры залез у даўгі, Без меры сляпыя, глухія без меры, Без меры чэрці, без меры
Спяшаюся да каласоў у полі І да маіх прыціхлых трох бяроз, Да той пяшчотнай і далёкай волі, Да радасці маёй і першых слёз. Бягу ізноў насустрач пазаранку, Купаю ногі босыя ў расе. І бачу маму, як заўжды, на ганку, І сёстры дома, і браточкі ўсе. І што знаёма, і з дзяцінства блізка – Паўторыцца праз дарагі ўспамін Ад той агульнай плеценай калыскі Да свежа-жоўтых і старых магіл. І будзьце ж вы навек дабраславёны, Бярозкі тры, як я і дзве сястры, Браты мае, як казачныя клёны, І мама з намі – сонейка ў бары. Спяшаюся да каласоў у полі І да маіх прыціхлых трох бяроз. Не здраджу вам ні сёння, і ніколі, Хоць многа шчаслівейшы недзе лёс.