МУГАЛИМ – бала үйдөн чыгып, мекемеге барганда тосуп алган Эң биринчи чоочун АДАМ!

МУГАЛИМ – бала билбеген тамгаларды, сандарды үйрөтүп, мисалдарды чыгартып, ааламдагы кызыктууларды айтып таң калтырган АДАМ!
МУГАЛИМ – окуучу үчүн ата-энесинен да ашып өткөн АКЫЛДУУ, БИЛИМДҮҮ АДАМЫ!
МУГАЛИМ – окуучу үчүн “АВТОРИТЕТ”!
МУГАЛИМ – окуучу ата-энесине караганда аны “КУМИР” туткан АДАМЫ!
МУГАЛИМ – 24 саат бою чарчабай, чарчаса да “чарчадым” дебей иштеген, же чарчоого укугу жок АДАМ!
МУГАЛИМ – вотсабы 24 саат бою иштеп, ар бир окуучуга же анын ата-энесине жооп берип турган АДАМ!
МУГАЛИМ – айлык үчүн эмес, балдарга билим бергенинен ырахат алуу үчүн иштеген АДАМ!
МУГАЛИМ – ата-энесинин тили өтпөгөн окуучуга тили өтүп, аны түз жолго сала алган АДАМ!
МУГАЛИМ – өз баласынан мурда, мектептеги окуучуларын ойлоп, ошолорго кам көргөн АДАМ!
МУГАЛИМ – баланы тарбиялоодо ата-эне ката кетирген болсо дагы (мугалим билим гана бериши керек экенине карабай), окуучунун тартипсиз жосуну үчүн күнөөсүз жерден күнөөлүү болуп калган АДАМ!
МУГАЛИМ – мөмөлүү дарак дейбиз, бирок ошол мөмөнүн үзүрүн көргөн МУГАЛИМДЕР өтө аз, анткени мугалимдин зор эмгегин баалап, кайрылып келип ыраазычылык билдиргендер саналуу гана!!!
МУГАЛИМ – коомубуздун күзгүсү, анын баскан-турганы, сүйлөгөнү күн сайын миңдеген окуучунун көз алдында, кийин жүрөгүндө!!!
МУГАЛИМ – Мага, Сизге, Президентке, Министрлерге, Врачтарга, ..... бардыгыбызга билим берген, Ааламга көз карашыбызды калыптандырган улуу ИНСАН!
Урматтуу агартуучулар! Кесиптик майрамыңыздар менен куттуктайм! Сиздердин сабырыңыздарга, кайратыңыздарга, эмгекчилдигиңиздерге таазим этем!!! Ден соолугуңуздар таптаза, өмүрүңүздөр узун болсун. Бакубат өмүр сүрүңүздөр!