Қўшним синфдош дугонам бор. Унинг ҳам, менинг ҳам Дадамиз мактабда ўқитувчи. У ҳам, мен ҳам оилада кенжамиз, унинг ҳам менинг ҳам оналаримиз ўтиб кетишган, қисқаси ғирт эрка тантиқ қизчалармиз. 13 14 ёшларда эдик ўша маҳаллар чамаси. Икковимиз кўчада бир олам бўлсак мактабда ундан бадтар эдик... ўтганнинг ўроғини, кетганнинг кетмонини олардик). Қилғиликни ҳам, ишни ҳам, дарсни ҳам бирга қилардик.... Дадаларимиз ҳаммадан ҳам дарсларда икковимизга талабчан эдилар, ҳаммадан кўп биздан дарс сўрашарди. Аллоҳ раҳматига олсин уларни...
Йиллар ўтди. Мен институт, кейин оила қуриб қишлоқдан чиқиб кетдим. У эса оиласидаги баъзи тушунмовчиликлар туфайли институтга ҳужжат ҳам топширмади, анча пайт турмушга ҳам чиқмади. Борсам менинг қизчаларим билан ўйнаб юрарди. Ишқилиб орадан вақт ўтди. Кейин эшитдим тўйи бўлибди, бир хотини билан ажрашган кишига турмушга чиқибди. Қишлоққа келганимда табриклагани ўтдим. Чиройликкина хизмат қилиб юрибди, поччани танийманми десам кулиб туриб ҳаа, ҳаммадан яхши танийсан,- дейди.. Аммо ҳеч эслолмадим. Мактабда биздан бир синф кейин битирган экан. Унда аниқ танишим керак.. дейману танимайман, расмини кўриб ҳам эслолмадим, ахир анча ўзгариб кетганмиз ҳаммамиз. Охири, эслолмай қийналганимни кўриб,...- эээй, 5 синф эшиги орқасида турардию, қувалаб бориб уриб тупурардик,- деди........... Бошимдан сув қуйилгандек жим бўлиб қолдим. Чунки эслаган эдим!!!
Кулишимни ҳам, кулмаслигимни ҳам билмайман.. шунчаликка бўшанг, қилтириқ болача эдики, боя айтганимдек икки қитмир шу бечорани ҳам қўймасдик.
Буни қарангки, ўша пайтлар дугонам тақдирини қувалаб, тупуриб юраркан....
Хулоса, ҳеч қачон, ҳеч кимни пастга урмаслик, хорлаш керакмас экан. Менда бундай бўлмайди деб катта гапириш ҳам керак эмас экан ....
(Uning bola ko'rmaganini bilar edim. Oxirgi marta borganimda esa turmush o'rtog'ining vafot etganini eshitdim.....
Yana muzlaaaab qoldim.
Bitta o'zi qolib ketgani uchun akasining bolalari uyiga olib kelishmoqchi ekan......)...
Inna lillahi va inna ilayhi roji'un.
Xayrlisi va yana xayrlisi.
Присоединяйтесь к ОК, чтобы посмотреть больше фото, видео и найти новых друзей.
Нет комментариев