Mabodo hazrati Muhammad(s.a.v)
Uyingizga kelsa nogahon
Qiziq bir yo ikki kun tursa
Qanday holga tushasiz shu on?
Shubha yo'qki eng go'zal uyni
Ajratasiz aziz Mehmonga
Totli ovqat,sarxil mevadan
Tortajaksiz mo'l dasturxonga!
Bu tashrifdan shodligingizni
Mehmonga bot qilgaysiz izhor
Uyingizning to'ri Uniki
Xizmatdan-da behad baxtiyor!
Biroq Uning siz tomon asta
Kelishini ko'rarkan darhol
Chiqarmisiz qo'l qovushtirib
Xush kelibsiz,debon Bemalol?
Yoki uyga boshlashdan avval
O'zgartirib usti-boshingiz
Turli tuman jurnal o'rniga
Qur'on qo'yib qo'yasizmi Tez?
Tomoshalar ko'rmoq qasdida
Yoqasizmi oynai jahonni
Yo zudlikda o'chirasizmi
Chiqmay turib ko'kka fig'oni?
Balki borib radio Simin
Shiddat bilan uzib tashlarsiz?
Shukr bir so'z eshitmadi Deb
Shartta olib buzib tashlarsiz?
Telefonni ko'zdan berkitib
Olasizmi Hadis kitobin,
Ichkariga qo'ymaysizmi yo
Eshitmayin deya Xitobin?
Juda Qiziq o'shal Payg'ambar
Sizla tursa bir yo ikki kun
Har galgiday o'z ishingizda
Davom etgaydirmisiz Mamnun?
Kunda aytar so'zlaringizni
So'zlaysizmi o'shal damda ham?
Hayotingiz davom etarmi
Avvalgiday kun-u tun ildam?
Qanday bo'lsa oilada urf
Shundayicha etarmi davom?
Duo qilmoq og'ir kelmasmi
Yegandan so'ng har safar taom?
Har Namozga ayni vaqtida
Hushu ila turasizmi Shay
Tong otmayin uyg'ona turib
Ibodatda dildan,Og'rinmay?
Kuylarmisiz eski qo'shiq yo
Eski kitob olinar qo'lga
Ko'rsatarsiz Ul Zotga balki
Nelar yoqishini ko'ngulga?
Payg'ambarni olib ketarsiz
Borar joyingizga hargalgi
Rejangiz ham tamom o'zgarar
Bir yo ikki kungina Balki?
Istarmisiz do'stlaringizni
Ul Hazratning ko'rishlarini?
Yoki qaytib ketguncha toki
Chekkaroqda yurishlarini?
Ne dersiz gar butun umrga
Yoningizda qolsa umrbod
Yoki qaytib ketsalar Oxir
Yengil tortib bo'larmisiz Shod?
Qiziq o'zni tutarsiz qandoq
Ne ahvolga tushib ul zamon
Uyingizga Hazrati Muhammad (s.a.v)
Bir ikki kun bo'lsalar Mehmon!?
Присоединяйтесь к ОК, чтобы посмотреть больше фото, видео и найти новых друзей.
Комментарии 3