УЙИ
Ака-ука Вадьяевлар уйи (хозирги Хокимият)
Архитектор: Г.Сверичевский
1907 йил.
Ёқуб ва Сион Вадьяевлар келиб чиқиши Бухоролик яҳудий миллатига мансуб Ҳаим Вадьяевнинг ўғиллари бўлиб, Қўқон шаҳрида яшашган. Туркистон ўлкасининг энг бой инсонларидан бўлишган, ўз даврида уларнинг Фарғона водийси ва Тошкент шаҳри атрофларида 30 пахтани қайта ишлаш заводи, 5 ёғ заводи бўлган. Россиянинг Иванова шаҳрида текстиль фабрикалари бўлган. Бу завод ва фабрикалар ўз замонасининг энг сўнгги техникалари билан жиҳозланиши бўйича ўлкада энг олдингиларидан бўлган. Вадьяевлар пахтани экишдан бошлаб уни тайёр маҳсулот қилиб чиқаришгача бўлган тўлиқ цикллик корхоналарга эга бўлишган. Ҳозирда Вадьяевлар томонидан қурилган ёғ заводларидан бири Қўқон шаҳар Мовонауннаҳр кўчаси 94 уйда ҳамон фаолият юритияпди. Ака-ука Вадьяевлар Савдо уйининг пул айланмаси 1912 йилда 50 миллион рубльни ташкил этган бўлиб бу ҳозирги пулга жуда ҳам котта суммани ташкил этади.
Революциядан кейин уларнинг мол-мулклари давлат иҳтиёрига олинган ўзлари эса чет элга чиқиб кетишга мажбур бўлишган.
Ёқуб Вадьяев Лондонда "Британ-Румин" Савдо уйига асос солган Лондонда яшаган.
Сион Вадьяев аввал Берлинда яшаган, 1921 йилда Парижга кўчиб ўтган, валюта ўтказмалари билан шуғулланган, савдо дўкони эгаси бўлган. 1943 йилда Парижда вафот этган.
1) расм; Ёқуб Вадьяев
2) расм; Сион Вадьяев
3,4) расмлар; Вадьяевлар уйи
(ҳозирги Ҳокимият)
Maqola muallifi xam shaxrimiz Baxtiyor Pulatov
Присоединяйтесь к ОК, чтобы посмотреть больше фото, видео и найти новых друзей.
Нет комментариев