ПАКРОЎ...

Прыйшоў "Святы Пакроў" - накрыў зямлю жоўтым лістом, маладым сняжком, ваду лядком, пчалу мядком, рыбу луской, дрэва карой, птушку пяром, дзеўку платком. "Святы Пакроў" - стагі пакрыў: першы стажок дранічкамі, другі - саломкаю, трэцці - белым сняжком. Некалі казалі - "Зіма зачыняе лета на замок, а Бог пячатае зямлю".
У Беларусі існаваў звычай пячы на гэта свята бліны ці пірагі і абыходзіць з імі ўсе гаспадарчыя пабудовы, каб буры і завеі, якія шалеюць у зімку, не разбуралі стрэхі. На Пакрова трэба было закласці ў яслі корму, нават калі скаціна была сытая: "На Пакрова дай сена карове". Свята Пакроў собрала штам розных прыкмет і парад, звязаных з каровай: "Прыйшла Пакроўка - не дала малака кароўка" (запусцілася). "Хто сее на Пакрове - не будзе мець чаго даць карове".
"Калі на Пакрова дня снег не накрыў зямлю, то і на Каляды мала будзе снегу"; "Якое надвор'е на Пакроў, такое будзе ўсю зіму"; "Калі ад Пакрова да свята "Ўсіх Святых" (1 лістапада) краты рыюць зямлю, то зіма будзе снежная і марозлівая". Асабліва на Пакрова сачылі за напрамкам ветру, з якога боку ён дзьмуў. Калі дзьмуў усходні вецер - зіма будзе маласнежная, заходні - вельмі снежная. Калі на Пакрова быў даждлівы дзень - на наступны год пчолы дадуць шмат мёду. У гэту вясельную пару хлопцы на вёсках выглядалі сабе нявест: "Ад Пакрова дзеўка замуж гатова", "Пакровы прыйдуць - дзеўцы галаву платком накрыюць"...
Аўтар - Зоя Гарбачова, Беларусь
14.10.2025г.
(фота з інтэрнэта)