Вось і скончылася лета -

Вечаровы шэпча гай...
Пэўнай восені прыкмета -
Выцвілы ў неба край...
Блудзіць восень маладая,
Мусіць лісцік адшчыпнуць...
Светлым ранкам запрашае
У лес за вёскай зазірнуць,
У чысціню празрыста-сініх
Рос, апошніх цёплых дзён,
Ходзіць восень па радзіме,
Завітае ў сад і ў дом...
Коўдрай раніцай кладзецца
На раку густы туман,
Сумна ў птушачкі на сэрцы -
Час ляцець "за акіян...".
Абаўю, нібы рукамі,
Сэрцам сцішаны прастор,
Ды й прасяду пад стагамі
Слухаць жнівеньскі дакор...
Вераснёвы час жаданы,
Ты тады мне па душы,
Як цалуе мудры ранак
Зжаты колас на мяжы...
Аўтар - Зоя Гарбачова, Беларусь