Предыдущая публикация
Бисмиллаҳ…
❗️ЖУМА ҲАҚИДА:
Аллоҳ таоло айтади:
"Эй иймон келтирганлар! Жума кунидаги намозга чорланган пайтда Аллоҳнинг зикрига шошилинг ва савдо (тижорат сиёсат, мактаб, ўқувчи, ўқитувчилик директорлик, вазирлик, пракурорлик) ни қўйинг. Агар билсангиз, ана шу ўзингиз учун яхшидир"
(📔 Жума сураси 9- оят)
✔️Изоҳ: Кўпчилик Жумага бормайдиганлар тижоратини, касбини, мансабини ташлаб кета олмаслигини баҳона қилади. Борсам ишим тўхтаб қолади ёки бошлиғимдан гап эшитаман деб баҳона қилади. Аммо Аллоҳ таоло жумага кел сен учун шу яхшидир деяпти. Инсон шайтондан ва инсондан бўлган шайтонларнинг вас-васаларидан таъсирланмаслиги керак. Роббисини буйруғига итоат қилиб жумага борса, Аллоҳ уни майда ўткинчи бошлиқчаларингизга инсоф беради ёки инсофли бошлиқ беради. Қолган ишларини ҳам ўнглайди, тижоратига барака беради.
- Аллоҳ таоло оятда дунёда ёки охиратда яхши бўлади деб қайдламади. Демак ким жумага борса Аллоҳ ҳам дунёсини ҳам охиратини обод қилар экан. Жумани қўлдан чиқарманг.
❗️ЖУМАГА БОРМАСА.
⚜️ Абу Жаъд аз-Зомрий розияллоҳу анҳудан ривоят қилинади:
"Набий соллаллоҳу алайҳи васаллам: "Ким писанд қилмай уч жумани тарк этса, Аллоҳ унинг қалбига муҳр босади" , дедилар".
(📔Сунан" эгалари ва Ҳоким ривояти)
✔️Изоҳ: Огоҳ бўлингким қалбига муҳр босилишлик кофирлар, мунофиқларнинг сифатидандир. Аллоҳ кофирларни қалбига муҳр босган. Аммо жумани тарк қилишлик шунчалик катта гуноҳ бўляптики шу сабабдан мусулмоннинг қалбига ҳам муҳр босилябди.
❗️Қалби муҳрланди нима дегани: Инсонни қалби муҳрланса ислом, иймон, охират, Аллоҳ ҳақида эшитгиси келмай қолади, эшитса юраги сиқиладиган бўлиб қолади. Аммо гуноҳ, фуҳш бекорчи нарсалар, артистларни қанча эшитса шунча мазза қилаверади. Гуноҳ қилиб мазза қиладиган инсонга айланади. Қилаётган ишлари ўзига чиройли қилиб кўрсатиб қўйилади. Агар Аллоҳ раҳм қилмаса бу инсонни ҳолига вой бўлади. Аллоҳ ҳаммамизни бу ҳолатдан сақласин.
❗️ ЖУМАГА БОРМАСЛИКГА РУХСАТИ БОРЛАР.
⚜️Ториқ ибн Шиҳобдан ривоят қилинади:
"Набий соллаллоҳу алайҳи васаллам: "Жамоат ила жума (ўқиш) ҳар бир мусулмонга ҳақдир, вожибдир. Илло, тўрт тоифа бундан мустасно: мамлук қул, аёл киши, ёш бола ва бемор", дедилар".
(📔 Абу Довуд ривояти)
✔️Изоҳ: Агар сиз қул ёки хотин киши ёки вояга етмаган ёш болакай ёки жумага боролмайдиган даражада касал бўлсангиз, жумага бормасангиз сизга гуноҳ бўлмайди. Аммо шу тўрт тоифадан бўлмасангиз Жумага бориш сизга фарз бўлади. Бормасангиз қаттиқ гуноҳкор бўласиз.
❗️Яна бир нуқта: Бизга ҳадисни шайтон ёки баъзи чаламуллалар нотўғри тушунтирмасин. Бу ерда Пайғамбаримиз бу тўрт тоифа жумага келмасин демаяптилар. Жумага келмаса гуноҳ бўлмаслигини айтябдилар. Пайғамбаримиз замонида Аёллар, ёш болалар, беморлар ҳам жумага келар эди. Бу тоифадаги инсонлар ҳам жумага келишликга ҳаракат қилса фазилат бўлади. Аммо келмаса гуноҳкор бўлишмайди. Валлоҳу алам.
Следующая публикация
Нет комментариев