O sənə qıldırar!
Bir kişi, minəcəyi avtobusun tərpənməsinə bir saatdan çox müddət olduğu üçün terminalın yarı işıqlıq koridorlarını gəzinirdi. Əllərini yumaq üçün bir az irəlidəki məscidə yaxınlaşdığında, iş geyimində bir gənc ona doğru gələrək:
- "Hərhalda namaz qılacaqsınız. Dəstəmaz almaq yerimiz də var." dedi.
Adam, əlindəki siqaretin külünü cavanın ayaqları dibinə silkələyərək:
- "Sən hərhalda gözətçisən" deyə dikləndi. "Nə iş görürsən burada?"
Cavan, küncdəki süpürgəyə işarə edərək:
- "Təmizlikçiyəm" deyə kəkələdi. "Hamam və tualeti təmizləyirəm."
Adam, onu kinayəli gözlərlə süzərək:
- "Mən, namazı sənin kimi çulsuzlara buraxdım" deyə təkəbbürlə güldü.. "Bu iş sizə elə yaraşır ki…"
Təmizlikçi gənc, adamın təhqirinə aldırmayacaq qədər olqun (yetişmiş, mükəmməl) idi. Lakin namaza qarşı edilən hörmətsizlik, canını çox sıxmışdı. Verəcəyi cavabı bir müddət düşündükdən sonra, susmağı seçərək işinə qayıtdı.
Adam, məğrur addımlarla oradan uzaqlaşarkən, başının fırlandığını hiss etdi. Kürəyindən çıxardaraq qoluna götürdüyü kaşmir paltonun ağırlığını da ilk dəfə fərqinə varırdı. Bir az əvvəl yediyi iki boşqab kabab, hərhalda təzyiqini yüksəltmiş və özünü halsız eləmişdi. Bir neçə addım daha atdıqdan sonra birdən halı pisləşərək dizləri üzərinə çökdü. ALLAHdan ki, qolundakı palto ondan əvvəl yerə sərilmiş və yeni aldığı kostyumun çirklənməsini mane olmuşdu. Adam, çöməlmiş vəziyyətdə olmasına baxmayaraq fırlanan başını yerə söykəyərək bir müddət dinləndi və təkrar dikəldi, yenə narahatlığı hiss edərək eyni hərəkətini təkrarladı. Lakin, başqaları tərəfindən görülməsi onu narahat edirdi. Bunun üçün başını yerdən qaldırıb sağa sola bakındığında, terminalın çayçısı olduğu aydın olan bir gənclə burun buruna gəldi. Cavan, kişini hörmətli bir ifadəylə salamlarkən:
- ALLAH qəbul etsin əmi, dedi. Amma qiblə bir az daha sağa doğru idi.
Присоединяйтесь к ОК, чтобы посмотреть больше фото, видео и найти новых друзей.
Нет комментариев