ТУГАННАР.

Туган булгач,шундый булсын,
Туганлыклар бетмәсен.
Нихәл туганкаем,диеп,
Көтмәгәндә ул килсен.
Туганлык җебе өзелсә,
Йөрәге сыкрар,түзмәс.
Гел дә булыр уйларында,
Тынычлап йоклый алмас,
Кан туганың- үзе бәхет,
Аралашып торырлык.
Балалары тату булгач,
Ата-анага горурлык.
Беркем мәңгелек түгел,
Исән чакта күрешсен.
Әгәр гаеплесе булса,
Гафу сорап үтенсен.
Туганлык җебе нык булсын,
Туганнар булган чакта.
Үзе бәхет,шатлык ул,
Барысы исән чакта.
19.11.2025.
Сагадуллина Г.С.