Предыдущая публикация
С Днём Матери, дорогие друзья!
Ававтомо сёлмот арасть,
Ававтомо кедтне прыть...
Ававтомо кудось наксадсь.
Ававтомо превть а сыть...
Авай, сак минек варштамо,
Совак одс эсь кудозот!
Куватьс вейсэ калярдтано...
Ёвтник, кода эрямот?
Мезе теят Пазонть вакссо,
Мезе теи монь тетям?
Зярдо эрсян калмонк лангсо,
Сюконян, сельведть нолдан...
Течияк мон тенк сюконян,
А покш штатол кирвазтян...
Пазава икеле ознан,
Шумбрачи кедьстэнк вешан...
Ававтомо вийть а сатыть,
Ававтомо нусманьчить...
Ававтомо эйдть а чачтыть,
Ававтомо - стакачить...
Кадык ули, кода ули...
Авай, тонть а стувтадызь!
Покшчистэнть ёжом а коли:
Эйкакшот тонть вечктядызь!
Колька ЖИВАЕВ.
27.11.2022 г.
Присоединяйтесь к ОК, чтобы посмотреть больше фото, видео и найти новых друзей.
Комментарии 58
Я думаю, ваша мама смотрит на сыночка и радуется, что он такой замечательный!
Хвала Вам и честь.