Козинен тамып жаслары,
Келиншек созин баслады,
Айтканлыры мени дым
Коп ойга салып таслады.
Унатып турмыс курыпты,
Еки жыл омир сурипти,
Еки жылдын ишинде
Корипти талай кылыкты.
Суйгеним жууас яр еди,
Калбиме интизар еди,
Биракта кун бермейтугын
Ажапалары бар еди.
Жумыстан тыным таппадым,
Еринип уйде жатпадым,
Хызметин тынбай кылсамда
Оларга хасла жакпадым.
Кайтарып бир соз айтпадым,
Урысып абырой жойтпадым,
Дым ауыр жумыс айтсада
Иследим изге кайтпадым.
Болмасадагы мазам да,
Сыйырды саудым азанда,
Тандырды ортеп нан жауып
Отында салдым казанга.
Колларым тыным билген жок,
Козлерим шадлык корген жок,
Кемисин тауып хар истин
Кулласы кунди берген жок.
Каралмай калды балам да,
Дым уакыт болмай оган да,
Биймезгил келген сум ажел
Айырып койды одан да.
Умитти шыннан кулаттым,
Журекти унсиз жылаттым,
Корермен еле бала деп
Озимди озим жубаттым.
Табалмай кеулим бахарин,
Котердим тагдир кахарин,
Кайин апамлар хар куни
Шашып турса да захарин.
Бир куни акша жойылды,
Коркыныш басты бойымды,
Акшаны келин алган деп
Айып тек маган койылды.
Жок жерден бане тууылып,
Уйинен кеттим кууылып,
Ажапамларга жакпадым
Журсемде тынбай жууырып.
Куткендей колай пайытты,
Уры деп койып айыпты,
Жетпегендей кууганы
Кошеме барып жайыпты.
Кудайга сонша неттим мен,
Саргаяр халга жеттим мен,
Уры деп атак берген сон
Торкинимнен де кеттим мен.
Мен билемен дейди анык,
Келер еле кунлер жарык,
Бир Аллахым коллап турса
Кууанарман бир кун барып.
Сол шадлыкка барсам жетип,
Келин алсам несийп етип,
Келин емес кызым деймен
Жаксы жагымды корсетип.
Келин деген егер билсен
Аклыгыннын Анасы гой,
Сен баланды калай корсен
Биреудин олда баласы гой.
Тилегим Аллага жетсин,
Жаманлыклар узак кетсин,
Дуньядагы барше кызга
Жаксы жерлер несийп етсин.
Алишер У
Присоединяйтесь к ОК, чтобы посмотреть больше фото, видео и найти новых друзей.
Комментарии 41