Вядома, ва ўсе часы галоўнае багацце нашай зямлі – яе людзі, якія шчыравалі і шчыруюць на ніве культуры, аддаючы фізічныя і душэўныя сілы сваёй справе.
СЁННЯ свой маленькі, але такі важны і важкі 10 - гадовы юбілей святкуюць удзельнікі народнага фальклорнага гурта “Жывіца” Квасоўскага цэнтра культуры і развіцця народнай творчасці Гродзенскага раёна. Магу шчыра засведчыць: людзі апантаныя сваёй працай, творчыя і самаадданыя, якія нягледзячы на сваю маладосць, шануюць і берагуць традыцыі нашых продкаў, тыя, хто сваёй працай узбагачае здабыткі малой радзімы і нашай краіны.
“Жывіца” свой творчы шлях распачала ў 2013 годзе пад кіраўніцтвам Балабуева Дзяніса Валер’евіча, а ў 2019 годзе атрымала ганаровае найменне “народны”. Праца калектыву накіравана на вылучэнне, захаванне і зберажэнне традыцыйных побытавых танцаў, фальклорных песень і напеваў. Усіх іх аб’ядноўвае ў адзінае любоў да сваіх каранёў. Колькі разам усяго зроблена, колькі сабрана па крупіцам, і колькі яшчэ ўсяго наперадзе!
Дзе яны чэрпаюць творчае натхненне? А можа ўсё праз чароўныя краявіды. Канешне, у нас тут няма Каўказскіх гор альбо Чорнага мора. Але ў нас ёсць нешта больш простае, акуратнае, утульнае – наша Беларусь.
Можа мае меркаванні выйшлі з моды!? Думаю, не…не вышлі….
Шчыра віншую вас сябры, з юбілеем. Любіце сваю малую радзіму, любіце тую справу, якую выбралі ў жыцці і Божай ласкі вам!
Присоединяйтесь к ОК, чтобы посмотреть больше фото, видео и найти новых друзей.
Комментарии 1