. .
Туган нигез! Әткәм-әнкәм йорты...
Күптән кайтканым юк, сагынылган.
Әллә инде озак күрмәгәнгә,
Җанны, җирсү хисе биләп алган.
Һәр тарафтан эзлим гаҗизләнеп
Балачакның таныш чалымнарын.
Капкасына якынайган саен
Салмаклана бара адымнарым.
Берни үзгәрмәгән. . . Элеккечә ...
Нәүмизләнеп нидер көткән сыман.
Үз-үземне белә башлаганнан
Бураланган кое тора һаман.
Өй каршында үскән таллар гына
Вакыт үтеп, киселгәннәр күптән.
Тик шулай да , җирдән шифа алып
Туйраланып, яшәргәннәр төптән.
Үткәннәрнең хатирәсен төргән
Уйларымнан арынудан өркәм.
Йомшак җилләр, чәчләремнән сыйпап ,
Биттән үбеп, яшьләремне сөртә.
Әти-әниемнең назын җыйган
Газиз йортым! Туып үскән нигез! . .
Бар җылысын бирә кызганмыйча
Һәрбер баласына, бүлеп тигез!
Салиха Гаязова
Присоединяйтесь к ОК, чтобы посмотреть больше фото, видео и найти новых друзей.
Нет комментариев