Предыдущая публикация
Поро Ош Кугу Юмо, ончыкыжо шкаланемат, икшывемланат, ешемланат, поро пошкудемланат, родо-шочшемланат, кугезе калыкемлан, тунямбал калыклан пиалан илышым йодам.
Возын малымем годымат, кечывалым кынел коштмем годымат кид-йолемлан, кап-кылемлан, вуем шинчавылышемлан тазалыкым пу, уш-акылым устарен шого; шонаш-кутыраш, Тыйын йулам шуктен илаш туныкто; Тыланет кумалын, Тыйым да марий калыкым йоратен илаш, моло калыкым жаплен илаш пуйыро.Поро Ош Кугу Юмо, икшывем-шамычем кушташ, кайык-ютым, вольыкым ончаш, кинде шурным кукташ, элнам аралаш полшо, марий калыклан, салтак-влаклан, мыланем чон вийым, кугу чытышым пу.
Следующая публикация
Комментарии 43