Կարդացեք։

Հիանալի է ասված։
Սրտի խոսքեր են։Ու մարդիկ այդպես էլ չհասկացան , որ տարիքը ընդամենը թիվ է , որ խոստումներն ուղղակի բառեր են , որ ոմանց մոտ արցունքներն ուղղակի ջրի կաթիլներ են , որ հայացքը հերթական դիմակներից է ։Չհասկացան , որ եկեղեցի մտնելով անմեղ հավատացյալ չեն դառնում , որ մեկին հարյուր դրամ տալով լավը չեն դառնում , որ դիմացինին ցավ տալով սեփական երջանկությունը չեն կառուցում ։ Ու մարդիկ այդպես էլ չհասկացան մարդկանց ։ Չուզեցան ընդունել , որ երկրիս վրա ամենակատարյալ ու ամենազզվելին հենց ինքը ՝ մարդն է ։ Ամենակատարյալ արարածը , որ սիրել գիտի , որ ստեղծել ու արարել գիտի ։ Բայց ամենազզվելին, որ ցավեցնել ու տանջել գիտի , իր ստեղծածը իր ձեռքով քանդել ու ավիրել գիտի ։ Խենթ ես դու , մար՛դ , գիտես ինչպես դիմացինին առանց թևեր հասցնել երկինք ու հետո գիտես երկնքից ցած շպրտել ։ Դու միակն ես այն բուժումներից , որ կարող է առանց դեղերի բուժել , որովհետև քո խոսքն ինքն է բուժումը ։ Ու դու միակն ես թույներից , որ սպանում է ամենաարագը , որովհետև քո խոսքն է թունավորողը ։ Ինչքան էգոիստ ու ինչքան անմեղ ես դու ։Ինչքան տխմար ու ինչքան խելացի ես դու ։ Ինչքան կույր ու անգնահատող ես դու ։ Դու ինքդ պատճառ մեկի ապրելու ու մեկի չապրելու ։Ինքդ էլ մեկով ապրող ու մեկին սպանող ։ Կյանքը բեմ ու դու դերասան ։ Դերերն էլ շատ են ու բազմազան ։Կորել ես, շփոթվել ես դերերի մեջ , կորցրել ես իրական դեմքդ ու իրական կյանքն էլ չի տարբերվում թատրոնից ....