Предыдущая публикация
Бугун очай сизга дил қатим,
Юраклардан ғамни ўчиринг.
Пойингизга эгарман қаддим,
Мен ғарибни бир бор кечиринг!
Рисқ насиба сочган ой, бу ой,
Мазлумларга бағрингиз очинг.
Қуръон нозил бўлган ой, бу ой.
Аллоҳ ҳаққи мени кечиринг!
Балки кимни дилин оғритдим,
Дилгинангиз қулфламай туринг.
Билиб билмай қаҳримдан кетдим,
Худо ҳаққи мени кечиринг!
Балки сизга хато гапирдим,
Шу забоним айбидан ўтинг.
Дардингизга шерик бўлмадим,
Азизларим мени кечиринг!
Табаррук ой, муборак бўлсин,
Расулуллоҳ йўлидан юринг.
Қалблар иймон, инсофга тўлсин,
Мендан ўтган бўлса кечиринг!
Следующая публикация
Нет комментариев