Предыдущая публикация
Бу ҳаётни енгиш керак кулиб-кулиб.
Йиқилсангиз гар ҳаётнинг йўлларида,
Ситамлардан юрагингиз кетса тўлиб.
Ўйналсангиз кимларнингдир қўлларида,
Бу ҳаётни енгиш керак кулиб-кулиб.
Яқин дўстлар пичоқ урса пайт пойлашиб,
Хасадгўйлар хасад қилса бел бойлашиб.
Лайча итлар ҳуриб турса хўп ўйнашиб,
Бу ҳаётни енгиш керак кулиб-кулиб.
Етти ўлчаб бир кесмасдан сўз бошламанг,
Қийинчилик келса агар кўз ёшламанг.
Энди нима қиламан деб бош қашламанг,
Бу ҳаётни енгиш керак кулиб-кулиб.
Омад кетса фарёд қилиш керак эмас,
Нолиганда омад ахир қайта келмас.
Фарёд қилиш ғам-ташвишни афсус енгмас,
Бу ҳаётни енгиш керак кулиб-кулиб.
Мусибатлар билинг сизга синов ахир,
Сабр қилган мукофотин олар охир.
Пешонага ёзганига қилманг қахир,
Бу ҳаётни енгиш керак кулиб-кулиб.
Мансаб, бойлик бу ҳаммаси ўтгинчидир,
Барча бир кун бу дунёдан кетгувчидир.
Улуғбек ҳам ҳақ сўзларни битгувчидир,
Бу ҳаётни енгиш керак кулиб-кулиб.
*Улуғбек* https://t.me/ULUGBEK_havaskor_SHOIR
Следующая публикация
Нет комментариев