Անգամ եթե գոռամ` գնա,
Անգամ եթե շրջվեմ քեզնից,
Անգամ եթե հրեմ ես քեզ`
Մի թող ձեռքս ամուր բռնիր:ՈՒ անտեսիր վրդովմունքս,
Մի նեղացիր այդ պահերին,
Երբ ասում եմ հիմար բաներ`
Մի թող ձեռքս, մնա կողքիս:Հասկանում եմ, որ դժվար է
Մնալ անշարժ, երբ հրում եմ,
Հասկանում եմ, անհնար է
Մնալ կողքիս` երբ գնում եմ,
Բայց ես քեզ հավատում եմ,
Դու ուժեղ ես, դու կարող ես
Բաց չթողնել, երբ թողնում եմ…Շրջվիր ինձ հետ, երբ շրջվում եմ,
Եկ պտտվենք ու կանգ չառնենք,
Այնքան մինչև առաջվա պես
Մենք դեմ դիմաց իրար կանգնենք:ՈՒ երբ կանգնենք մենք դեմ դիմաց,
Երբ ես ինքս ձեռքդ սեղմեմ,
Այդժամ արդեն դու կարող ես հանգստանալ,
Դու կարող ես ձեռքս թողնել…Ես կպահեմ ամուր-ամուր քեզ իմ կողքին,
Բաց չեմ թողնի անգամ եթե դու դա գոռաս,
Եթե հրես, եթե գնաս, եթե շրջվես,
Բաց չեմ թողնի դու դա գիտես,
Որովհետև սիրում եմ քեզ:
Присоединяйтесь к ОК, чтобы посмотреть больше фото, видео и найти новых друзей.
Нет комментариев