Предыдущая публикация
#Мова-культура.
21 лютага адзначаўся Міжнародны дзень роднай мовы....
"Дзве мовы ў мяне, абедзве - чараўніцы"( В.Тарас). Сумныя думкі ўзнікаюць, калі чытаю гэты верш, напісаны аўтарам ў канцы 80-х г. 20 стагоддзя... У святле сённяшняга дня некаторыя думкі паэта ўжо выглядаюць утапічнымі. Мы бачым, што “родник” рускай мовы пераўтварыўся ў паўнаводны паток на тэрыторыі Беларусі, які настолькі захіліў сабою “крыніцу” роднай мовы, што яна стала сціплай і непрыкметнай для людскога вока. Грамадства прызнала афіцыйнымі дзве мовы, у Канстытуцыю запісала, але ў паўсядзённым жыцці гаворыць толькі на рускай.І думае на ёй...
Аднойчы ў гімназію, дзе я працую, зайшоў былы вупускнік, які вучыўся ў Санкт-Пецярбургу, і пачаў гаварыць па-беларуску, чым выклікаў шок і захапленне ў настаўнікаў. Ён пачаў цаніць сваё толькі тады, калі трапіў у культурную сталіцу Расіі...
Беларуская мова стала рарытэтам, які мы ашчадна беражэм, заклікаем ёю карыстацца на разнастайных школьных мерапрыемствах, аднак мала, хто нас чуе... Самае галоўнае , што мы не гаворым на ёй, баімся выглядаць "белымі варонамі" на сваёй зямлі... Такі лёс роднай мовы, напэўна, стаў прадбачыць і пісьменнік ужо ў дзевяностых гадах, паколькі канчаткова стаў пісаць творы толькі па-беларуску. Аб гэтым марыў і Сяргей Грахоўскі ў сваім вершы “Любимая и родная»:
Я ісціны ўсе адкрываю нанова –
І робіцца ў свеце святлей і відней
Люблю неўміручую родную мову,
А роднае слова, як маці, радней.
Ці можна спадзявацца на тое, што аднойчы настане момант, калі адна з “двух родных сестёр”, стаўшая "папялушкаю" ў сваім родным доме, заквітнее, загучыць усімі крышталямі самабытнага беларускага слова.Ці расквітнее калі-небудзь па-сапраўднаму наша культура?
Ці настане час, калі зажыве “паламанае крыло” роднай мовы і пральецца яна святлом з акна на беларускі народ.Становіцца не па-сабе, калі , нават на могілках, беларусы падпісваюць эпітафіі сваім родным не па-беларуску, а па-руску. Няўжо так і не навучыліся па - свойму... А як думаеце вы?
Следующая публикация
Нет комментариев