(досторго тамаша иретинде)
Жылыш жок алды көздөй жылар бекен
Эл журтка пайдалуу иш кылар бекен
Аш жейли, аш жейли деп жүрүп,
Же карып алдан тайып тынар бекен.
Жылыш жок алды көздөй жылар бекен
Бизден да белгилүү инсан чыгар бекен
Кор турмуш оокатына кумар болуп,
Көрүстөнгө барган кезде тынар бекен
Жылыш жок алды көздөй жылар бекен
Бизден да бизнесмендер чыгар бекен
Же акча чогултабыз деген кезде,
Ватсабына жооп бербей тынар бекен.
Жылыш жок алды көздөй жылар бекен
Бизден да билимдүүлөр чыгар бекен
Төрт сөздө, төрт ката жазып жүрүп,
Карыганда башым жетпейт деп турар бекен.
Жылыш жок алды көздөй жылар бекен
Тендерден бизден да утар бекен
Же жыйырма сомдон карта ойноп,
Өмүрү бойу картага кумар бекен.
Жылыш жок алды көздөй жылар бекен
Бизден да такубалуулар чыгар бекен
Же селдесин күйгүзөм деп өзүбүздөн,
Шайтандын досторундай бузар бекен.
Автор: Жапарбек Жусупов
Присоединяйтесь к ОК, чтобы посмотреть больше фото, видео и найти новых друзей.
Нет комментариев