Предыдущая публикация
Կյանքը խաղ է իմ բարեկամ,
Դատավորի դեր մի խաղա,
Այսօր տեղդ մի քիչ լայն է՝
Վաղն ի՞նչ գիտես, թե ինչ կգա...
Ի՞նչ իմանաս՝ ո՞ւր կհասնես.
Վարից վերև՞, թե՞ վերից վար,
Այսօր տված ու տարածդ
Վաղը կգա դռանդ առաջ։
Մի բուռ սեր է քեզնից հասնում
Տուր ու անցիր, մի՛ զլանա,
Վաղը ինչ էլ լինի քեզ հետ՝
Սիրո պակաս չես ունենա։
Մի բուռ բարիք, մի քիչ հավատ
Տու՛ր ու անցի՜ր, մի՛ զլանա,
Վաղը գիտես նեղիդ ժամին
Բարեկամի պակաս չես զգա։
Բարին ցանիր ուր որ հասնես.
Բարուց ոչ մեկ չի պակասել,
Կյանքը խաղ է իմ բարեկամ,
Խաղա այնպես՝ տանուլ չտաս։
•Անի•
🖊️Նելլի Հակոբյան
Следующая публикация
Нет комментариев