Баҳру бар пойгаҳи хавфу хатар мебинам,
Мавҷи бадҷӯӣ фарогири башар мебинам,
Ноқису майзадаро нозбасар мебинам,
"Ин чи шӯрест, ки дар даври қамар мебинам,
Ҳама офоқ пур аз фитнаву шар мебинам!"
Давлати ҳастии мо сӯхта аз нори алам,
Чи хато рафта ба кунгурахати Лавҳу Қалам?
Хотири ҷамъ таманнои ҳама соҳиби ғам,
"Пешаи пешсафон нест ба ҷуз бори ситам,
Адлу инсоф ҳама зеру забар мебинам!"
Ин чи оғози пур аз гумраҳиҳо то анҷом,
К-ин яке бар дигаре баҳри амал бинҳад дом,
Дуҳавоист фурӯпош ба зери як бом,
"Мардумон рӯзи беҳӣ металабанд аз айём,
Мушкил он аст, ки ҳар рӯз батар мебинам!
Зиндагӣ чун нигарӣ ҷумла саропо фанд аст,
Гар яке ҷон ба лаб аст, он дигаре хурсанд аст,
Ҷоҳилон аз паи ишрат, оқиле дар банд аст,
"Аблаҳонро ҳама шарбат зи гулобу қанд аст,
Қути доно ҳама аз хуни ҷигар мебинам!"
Додхоҳ аз ҳама бедодгарӣ хун гирён,
Аз шари хирасаре гашта ҷигарҳо бирён,
Мушкилӣ мушкилиҳо зода ба роҳи осон,
"Асби тозӣ шуда маҷрӯҳ ба зери полон,
Тавқи заррин ҳама дар гардани хар мебинам!"
Нест андеша касеро зи ҷазо дар маҳшар,
Нангу номус намондаст ба олам яксар,
Кас , ки аз дину диёнат нашавад ёдовар,
"Духтаронро ҳама ҷанг асту ҷадал бо модар,
Писаронро ҳама бадхоҳи падар мебинам !"
Аз мурувват масале гӯӣ гуҳар меборад,
Лек кам бинӣ, ки аз забон шакар меборад,
Даҳр дар хидмати бадҷӯст, ки шар меборад,
"Ҳеҷ раҳме на бародар ба бародар дорад,
Ҳеҷ шафқат на падарро ба писар мебинам!"
Воҷидо, мениҳӣ гар ҷон ба гарав некӣ кун,
Алҳазар, гӯ зи бадиҳову зи нав некӣ кун,
Ҳамнишини саги девона машав, некӣ кун,
"Панди Ҳофиз шунав, эй Хоҷа бирав, некӣ кун,
Ки ман ин панд беҳ аз дурру гуҳар мебинам!"
( Vojidi Ashti )
12.05.2024
مخمّسِ شاعرِ ذل-لسانین-واجیدِ اشتی بر غزلِ شیخ -حفاظِ شیرازی
بهر و بر پایگهِ فتنه و شر میبینم،
موجِ بدجوئ فراگیری بشر میبینم،
ناقِص و مَیزده را ناز به سر میبینم،
"این چه شوریست، که در دورِ قمر میبینم؟
همه آفاق پر از فتنه و شر میبینم!"
دولتِ هستئ ما سوخته از نارِ الم،
چه خطا رفته به کنگوره خطِ لوح و قلم؟
خاطرِ جمع تمنّا ی همه صاحبِ غم،
"پیشه ی پیشخوان نیست به جز بارِ سطم،
عدل و انصاف همه زیر و زبر میبینم!"
این چه امواجِ همه گمرهی ها تا انجام،
ک-ین یکی بر دیگر ی بهرِ عمل بِدهد دام؟!
دو هوائست فروپاشی به زیرِ یک بام،
"مردمان روزِ بهی میطلبند از ایّام ،
مشکل آن است، که هر روز بتر میبینم!"
زینده گی چون نگری جمله سراپا فند است،
گر یکی جان به لب است، آن دگری خرسند است،
جاهلان از پَیِی عشرت، عاقلی در بند است،
"ابلهان را همه شربت ز گلاب و قند است،
قوطِ دانا همه از خونِ جگر میبینم!"
دادخواه از همه بیدادگری خون گریان،
از شرِ خیره سری گشته جگرها بریان،
مشکلی مشکلی ها زاده به راحِ آسان،
"اسپِ تازی شده مجروح به ریرِ پالان،
طوقِ زرین همه در گردنِ خر میبینم!"
نیست اندیشه کسی را ز جزا در محشر،
ننگ و ناموس نماندست به عالم یکسر،
کس، که از دین و دیانت نشود یاداور،
"دختران را همه جنگ است و جدل با مادر،
پسران را همه بدخواهِ پدر میبینم!"
از مروت مصلی گوی گهر میبارد،
لیک کم بینی، که از دهان شکر میبارد،
دهر در خدمتِ بدجوست، که شر میبارد،
"هیج رسمی نه برادر به برادر دارد،
هیج شفقت نه پدر را به پسر می بینم!"
واجیدا، مینهی گر جان به گرو نیکی کن،
الهضر، گو ز بدی ها و ز نو نیکی کن،
یاورِِ اهلِ تهی مغز مشو، نیکی کن،
پندِ حافظ شنو، ای خواجه برو، نیکی کن،
که من این پند بِه از درّ و گهر میبینم!"
Присоединяйтесь к ОК, чтобы посмотреть больше фото, видео и найти новых друзей.
Нет комментариев