🌺🌺🌺
Туннэ зарни юбилейзэ пусъе милям ӵош ужась эшмы, журналист Валентина Емельянова.
Валентина Анатольевна зӥбыт, котьку юрттыны дась, «уг» шуыны уг быгаты, спортэн эшъяське, зэмлыкез гажа. «Удмурт дунне» газетын 27 ар пала ужа ни — та дыр куспын уно адямиос сярысь шуныт материалъёс гожъяз. Тыршемез сӥлы каремын «Удмуртиысь дано журналист» нимын, «80 лет Гражданской обороне» но «За содружество во имя спасения» медальёсын. «Удмурт Кенеш» огазеяськонлэн Ижысь Первомай ёросысь ёзчиез луэ.
Валентина Анатольевна пӧртэм ужъёсты ас вылаз мертаны яратэ: я со спортменъёс радын куасэн бызьылэ, ыбылӥське, я тылпу кысӥсьёслэн уженызы тодматске, спасательёсын валче тыметъёсты эскере...
— Котьку синмаськыса учкисько спортсменъёс, тренеръёс шоры — сокем юн сямоесь пото. Ведь вормонъёс басьтон, Олимпиадае сюрон понна соос аръёсын тренировкаосы ветло. Спорт темалы сӥзем нырысетӥ материалме гожтӥ 1997-тӥ арын — Ярын ортчизы гурт спортсменъёслэн тол шудонъёссы. Газетысь журналистъёсын ӵош соку 5 нуналлы командировкае потамы: 2 нуналзэ Глазов ёросын ужамы, собере — Ярын. Со дырысен одӥг Гурт шудонэз но ӧй кельты ни кадь. Мыным та тема туж матын. Ачим но угось пичиысен таза улонэн эшъяськисько. Спортысь вань удысъёс кельшо. Пичи дыръямы трос вераллязы эмъясьлэн яке дышетӥсьлэн профессиоссы сярысь гинэ, тодысал ке, вань сыӵе профессия — спасатель, оло, та удысэз бырйысал. Валасал ке, спортын азинсконъёс басьтыны но тренерозь будыны луэ шуыса, оло, со удысэ кожысал. Но, мукет ласянь, малпасько: улон ачиз ваньзэ интыяз пуктэ. Журналист луыны мыным туж кельше! Гожъяськисьлэн ӧрез туж паськыт. Кинэн но уд пумиськылӥськы, кытчы но уд вуиськы. Ма, нялтас ас вылад пӧртэм профессиосты но мертаськод, - вера В. Емельянова.
Сӥзиськом тӥледлы сыӵе ик шаплы пыдъёс но сыӵе ик котьмае тодыны, котьмае ас вылады эскерыны мылкыд. Котьку азьлань, котькытын нырысь луыны!
Присоединяйтесь к ОК, чтобы посмотреть больше фото, видео и найти новых друзей.
Нет комментариев