Մեզ վիճակվեց և մենք հանդիպեցինք կյանքում

Վաղ գարուն էր ձնհալ կարծես օդներ լցված գինով
Եվ մենք երկու ցավի երկու դավի ճանկում
Բռնկվեցինք մի նոր չկրկնվող սիրով
Ու վիճակվեց ապրել մեկս մեկիցս բաժան
Մեկս մեկի համար մեկս առանց մեկի
Քեզ չազատվել երբեք այս կարոտից դաժան
Ինձ չքայլել երբեք ձեռքս տված ձեռքիտ
Կյանքի հետ ենք կարծես տվել մենք ձեռք-ձեռքի
Այդպես ձեռք չեն տալիս երբ դաշինք են կնքում
Այդպես ձեռք են տալիս երբ բռնում են գրազ
Արի հպարտ մնանք դու իմ անանց երազ
Արի չտրտնջանք մեր անուրախ կյանքում
Ոչ մեզ ոչ մեր բախտի և ոչ էլ աշխարհի վրա
Եթե վիճակվել է չվիճակվել իրար։