Предыдущая публикация
Без цюльпанаў якая вясна!
На градзе і ля сцежкі пад вішняй,
Ля варот, каб дзівіцца з акна -
Прыгажосць не бывае лішняй.
І падворак, і кветнік, і сад
Палымнеюць барвова-пунсовым.
Мілата - не нацешыць пагляд
І не выказаць звычным словам.
Асалода - не выпіць да дна.
Не надыхацца. Сэрца праймае
Хараством непаўторным вясна -
Каляровая песня мая.
Следующая публикация
Нет комментариев