Карыбас беле адамзат.

Жыргал болсо бул жашоо,
Күндө өтүп бараткан.
Карыбас беле адамзат,
Күнүмдүк түйшүк азаптан.
Күндө болсо да кубаныч,
Көтөрүп көңүл сүйүнткөн.
Баари бир карыйт адамзат,
Түгөнбөс азап күйүттөн.
Кусалык;- болгон сүйүүгө,
Бүтпөгөн жумуш күнүүгө.
Мерсинтет экен адамды,
Мээримсиз мерез дүнүйө.
Жумушуң;- сыртта, үйдөгү,
Азапка салып дүйнөңү,
Карытат экен жашты да,
Гөйгөйлүү турмуш күндөгү.
Күнүмдүк турмуш талабы,
Түйшөлтүп ой- санааны.
Түбү жок тешик, көроокат,
Карытат туура адамды.
Дүйнө- деп, өмүр өткүчө,
Түйшүктөнөт ушул зат.
Пейлин кенен ток тутса,
Карыбас беле адамзат.
Автор; Абдугулов.Н.Н.
14.04.2020.