Սիրելի ՀԱՅՈՒՀԻՆԵՐ....

անգին ՄԱՅՐԵՐ.....
Ինչ էլ որ ասեմ, խոսքս ունակ չի լինելու ձեր վեհ ու նվիրյալ կերպարը բնութագրելու։
Պարզապես վստահ եղեք, որ անգին ու թանկ եք...
Արևշատ ու լուսավոր կյանք եմ բոլորիդ մաղթում։ Թող ցավն ու դժվարությունները շրջանցեն բոլորիդ։ Միշտ սիրված ու երջանիկ եղեք...
Շնորհավոր ՄԱՅՐՈՒԹՅԱՆ ՈՒ ԳԵՂԵՑԿՈՒԹՅԱՆ ՏՈՆԸ...
*** *** ***
Երբ Աստված ստեղծում էր կնոջը, նրա մոտ մտավ հրեշտակը և հարցրեց.
– Ինչու՞ ես այդքան շատ ժամանակ կորցնում սրա վրա:
Աստված պատասխանեց.
– Տես այն բոլոր առանձնահատկությունները, որոնք ես պետք է պահպանեմ, որպեսզի ստեղծեմ նրան: Նա պետք է լինի հեշտ լվացվող, բայց ոչ պլաստիկից, ունենա 200-ից ավելի շարժական մասեր, բայց միևնույն ժամանակ հեզաճկուն շարժվի:
Պետք է բուժի իրեն, երբ հիվանդ է, պետք է օրը 18 ժամ աշխատի, նա պետք է ունենա ընդամենը 2 ձեռք, բայց պետք է կարողանա գրկել միանգամից մի քանի երեխաների և կարողանա գրկել այնպես, որպեսզի անցնի յուրաքանչյուր ցավ, լինի այն վնասված ծունկ, թե հոգի:
Հրեշտակը տպավորված էր.
– Իսկ դա ստանդա՞րտ մոդել է: Չէ որ դա հնարվոր չէ: Չափազանց շատ աշխատանք է մեկ օրվա համար: Թող մի մասը ապագայի համար:
– Ոչ,- ասաց Աստված,- ես կավարտեմ այն այսօր և նա կլինի իմ սիրելին:
Հրեշտակը մոտեցավ ավելի մոտ և դիպավ կնոջը:
– Աստված, բայց նա այնքան փափուկ է:
– Այո, նա փափուկ է, բայց ես նրան նաև շատ ուժեղ եմ ստեղծել: Դու նույնիսկ չես կարող պատկերացնել, թե նա ինչեր կարող է հաղթահարել: Նա շատ նուրբ տեսք ունի, բայց նրա մեջ հզոր ուժ կա:
– Իսկ մտածել նա կարո՞ղ է,- հարցրեց հրեշտակը:
Աստված պատասխանեց.
– Նա կարող է ոչ միայն մտածել, այլ նաև համոզել:
Հրեշտակը դիպավ կնոջ այտին:
– Աստված, կարծես թե նա խոտանված է ստացվել: Նա հոսում է:
– Ոչ, նա խոտանված չէ,- ուղղեց հրեշտակին Աստված,- դա արցունքներ են:
– Ինչի՞ համար են դրանք,- հարցրեց հրեշտակը:
– Նրանք արտահայտում են նրա տխրությունը, նրա սերը, նրա միայնությունը, նրա տանջանքները և նրա հպարտությունը:
Հրեշտակն իսկապես տպավորված էր:
– Աստված, դու հանճար ես: Դու ամեն ինչի մասին մտածել ես: Կինն իրականում ապշեցուցիչ է:
– Օ, այո,- ասաց Աստված: Նա այնպիսի ուժ ունի, որ կարող է զարմացնել տղամարդուն: Նա կարող է ծիծաղել, երբ լաց լինելու ցանկություն ունի: Նա կարող է ժպտալ, երբ վախենում է: Նա կօգնի ուրիշին, երբ իրեն է օգնություն պետք: Նրա միայն մեկ հայացքը ընդունակ է անել այն, ինչը տղամարդու ուժերից վեր է:
Հրեշտակը չէր կարողանում բառ արտասանել և կանգնած էր հիացած:
Հետո Աստված հոգոց հանեց.
– Բայց նրա մեջ կա մի բան, որն ընդհանրապես այն չէ: Մեկ թերություն և եթե ինքը դա չուղղի, կարող է փչացնել նրա կյանքը:
– Եվ ի՞նչն է դա:
– Նա չգիտի իր գինը: