Предыдущая публикация
(Rəməl)
***
Zülfünün hər teli yüz Aşiqi divanə qılır,
Yanağın laləsi adəmləri pərvanə qılır.
Bu məhəbbət yayılıb hər tərəfi zəbt eləyir,
Özünü Var eləyib cümləni əfsanə qılır.
Bu məhəbbətdir, əzizim, sədəfin bətnində
Bir yağış damlasını zövq ilə dürdanə qılır.
Könlümün xanəsini Eşqin, ey afət, yıxaraq,
Kainat nisbəti bir mö’cüzə kaşanə qılır.
Üzünə qiblə dedim, məndən üzün döndərmə,
Üzünün qibləsi Eşq əhlini fərzanə qılır.
Sən məni əhli-nəmaz eyləmisən Eşqinlə,
Gəl gör Aşiq bu nəmazı necə məstanə qılır.
Yavəra, şükr elə, ayineyi-çeşmində sənin
Məhəbbət tilsimi bir dilbəri Birdanə qılır.
Присоединяйтесь к ОК, чтобы посмотреть больше фото, видео и найти новых друзей.
Нет комментариев