Тропарь Недели жен-мироносиц, глас 2
-
Мироносицам женам при гробе представ Ангел, вопияше:/ мира мертвым суть прилична,/ Христос же истления явися чуждь./ Но возопийте: воскресе Господь,// подаяй мирови велию милость.
——-
Другой тропарь Недели жен-мироносиц, глас 2
-
Благообразный Иосиф с древа снем Пречистое Тело Твое ,/ плащаницею чистою обвив, и благоуханьми/ во гробе нове, закрыв, положи;/ но тридневен воскресл еси, Господи,// подаяй мирови велию милость.
——-
Кондак Недели жен-мироносиц, глас 2
-
Радоватися мироносицам повелел еси,/ плач праматере Евы утолил еси/ Воскресением Твоим, Христе Боже,/ апостолом же Твоим проповедати повелел еси:// Спас воскресе от гроба.
——-
Величание: Величаем вас, святыя мироносицы, и чтим святую память вашу, вы бо молите о нас Христа Бога нашего.
——-
Молитва первая святым женам мироносицам
о даровании христианского милосердия
-
О святыя жены мироносицы, всехвальныя Христовы ученицы! К вам мы, грешнии и недостойнии, ныне усердно прибегаем и во умилении сердец наших молимся. Вы паче всех благ земных Сладчайшаго Господа Иисуса возлюбисте и Тому чрез все житие добре последовасте, Божественным учением Его и благодатию души своя питающе и множество человек к чудному свету Христову приводяще. Испросите и нам у Христа Бога благодать просвещающую и освящающую нас, да ею осеняемы, в вере и благочестии в подвизех любви и самоотвержения преуспевати будем, и Христу в ближних Его служити неленостно потщимся. О святыя жены! Вы бодренно благодатию Божиею житие на земли препроводивше и во обители Небесныя радостно отшедше, притекосте. Молите убо Христа Спаса, да и нас сподобит странствие наше земное, во временнем сем веце непреткновенно совершити, и в мире и покаянии житие наше скончати, да тако во святыни на земли поживше, вечныя и блаженныя жизни на Небеси сподобимся, и тамо с вами и со всеми святыми вкупе восхвалим Троицу Единосущную и Нераздельную и воспоим едино Божество, Отца и Сына и Всесвятаго Духа и истее благодати Божия причастники будем в невечернем дни Царствия Его во веки веков. Аминь.
——-
Молитва вторая святым женам мироносицам
-
О святыя Марфо и Марие и прочий святыя жены-мироносицы! Умолите Возлюбленнаго вами и вас возлюбившего Сладчайшаго Иисуса, Егоже вы исповедали есте Христа, Сына Божия, да даст и нам, грешным рабам Божиим (имена), грехов оставление, в вере правей нелицемерное и твердое стояние. Вселите в сердца наша дух страха Божия, смиреннаго на Бога упования, терпения и ко ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, предстанем на оный Страшный суд, и добрый ответ на нем воздавше, радости неизреченный во Царствии Небеснем сподобимся во веки веков.
Воскресенье, 19 мая 2024 года, Неделя жен-мироносиц
В этот воскресный день Церковь прославляет женщин, пришедших ко гробу Спасителя, чтобы помазать Его Тело благовонными маслами (миром). Они не успели это сделать при погребении Христа в пятницу, накануне иудейской пасхи. Ими движет любовь, они идут, хотя и знают про приваленный ко гробу тяжелый камень и стражу, поставленную стеречь гроб от учеников Спасителя. Там они становятся первыми свидетельницами факта воскресения: камень отвален, стражи нет, нет и Тела Христа. Жены-мироносицы не видели, как именно произошло воскресение — этого никто не видел. Но им первым открылось произошедшее чудо: явились ангелы, рассказавшие о нем, а Марии Магдалине явился Сам Воскресший Спаситель.
Комментарии 1