Предыдущая публикация
🌿САДАКАНЫҢ максатлары..
Садака Аллаһы Тәгалә ризалыгы өчен бирелә, ягъни Ул кушкан кешеләргә һәм урыннарга.(ятим, мохтаҗ, мескеннәргә, мәчет-мәдрәсәләргә). Шундый НИЯТЛӘР белән бирергә мөмкин:
1. "Йә,Раббым Аллаһ, бу садакам уттан пәрдә булса иде......"
2. "Йә, Раббым Аллаһ, бу садакам фәрештәләрнең догасын алу өчен....."
3. "Бу садакам начар үлемнән һәм Аллаһның ачуыннан саклану өчен...."
4. "Йә, Раббым Аллаһ, бу садака әҗер күп булсын өчен...."
5. " Йә, Раббым Аллаһ, бу садакам өзлексез гыйбадәт булсын өчен...."( тол һәм ярлы кешене карап торучы-Аллаһ юлында көрәшүче әҗерен ала, өзлексез ураза тотучы һәм төне буе намаз укучы әҗерен ала)
6. "Йә, Раббым Аллаһ, бу садакам авырулардан саклану, шифа табу өчен...."
7. "Йә, Раббым Аллаһ, бу садакам гөнаһлардан чистарыну өчен....."
8. "Бу садакам мәхшәр мәйданында садака күләгәсе булдыру өчен..."
9. " Йә, Раббым Аллаһ, бу садакам кабер газабыннан саклану өчен..."
10. "Йә, Раббым Аллаһ, бу садакам Кыямәттә үлчәүнең изге гамәлләр ягы авыр булсын өчен..."
11. "Йә, Раббым Аллаһ, бу садакам җәһәннәм әсирлегеннән саклану өчен..."
12. " Йә, Раббым Аллаһ, бу садакам сыйрат күперендә нык тору өчен..."
13. "Бу садакам Аллаһ каршында калган бурычлар гафу ителсен өчен...."
14. " Бу садакам Аллаһ шелтәләмәсен өчен...( фәлән колым синнән ашарга сорады, син бирмәдең)
15. "Йә, Раббым Аллаһ, бу садакам калеб катылыгыннан имин булу өчен, күңел йомшасын өчен....."
16. " Йә, Раббым Аллаһ, бу садакам үкенечкә калмасын өчен..."( изге гамәлләр кылмаган өчен)
17. " Йә, Раббым Аллаһ, бу садакам җәннәттә садака капкасыннан чакырсыннар өчен..."
18. "Йә, Раббым Аллаһ, бу садакам начар үлемнән саклану өчен, үлемем изге үлемнәрдән булсын өчен...."
19. "Бу садакам Аллаһ мине яратсын өчен...(Аллаһ каршында иң сөекле кеше- башкаларга файдалы булган кеше)
20. " Йә, Раббым Аллаһ, бу садакам әбрар ( изгелекнең иң югары ноктасы) дәрәҗәсенә ирешү өчен..."( үзеңә иң кадерле әйберне садака итеп бирмичә , әбрар дәрәҗәсенә ирешеп булмый)
21. " Йә, Раббым Аллаһ, бу садакам начар кешеләрдән саклану өчен...."
22. Бу садакам Аллаһ мине игелекле, тәкъва кылсын өчен...."
23. " Бу садакам Аллаһ мине тәүбә итүчеләрдән кылсын өчен...."
24. "Бу садакам Аллаһ миңа юмартлык дәрәҗәсе бирсен өчен...."
25. "Бу садакам Аллаһ мине сабыр колларыннан кылсын өчен...."
26. "Бу садакам Аллаһ минем телемне начар сүзләрдән, гайбәт сөйләүдән сакласын өчен...."
🌺🌺🌺🌺🌺🌺
СӘДАКАЛӘРГӘ ДОГА КЫЛУ
Ий, Раббым! Үзеңнең ризалыгыңны өмет итеп, пәйгамбәребезнең шәфәгәтен өмет итеп, ислам диненең алга баруын өмет итеп биргән бу бәндәләреңнең хәер-сәдакаләрен үзеңнең киң рәхмәтең белән кабул итсәң иде.
Аллаһ ризалыгы өчен биргән сәдакаләрегез бәрабәренә Аллаһ Сүбехәнә вә Тәгалә уйламаган җирдән киң ризыклар, хәләл маллар, ләззәтле тәгамнәр ирештерсә иде.
Аллаһ ризалыгы өчен биргән сәдакаләрегез бәрабәренә сезләрдән дога өмет иткән җәмигы әрвахларыгызның рухларын шат кылса иде.
Аллаһ ризалыгы өчен биргән сәдакаләрегез бәрабәренә хәер биргәндә күңелегездә нинди изге морад-максудларыгыз булса, хәерле, изге морад-максудларыгызга ирешергә насыйп булса иде.
Аллаһ ризалыгы өчен биргән сәдакаләрегез бәрабәренә Аллаһ сөбөхәнә вә тәгалә сезгә юмартлар дәрәҗәсе биреп, кыямәт көнендә үз малыгыз булса иде, үзегезне каршы ала торган нур булып, тәмуг утына пәрдә булса иде.
Ий, Раббым!
Следующая публикация
Нет комментариев