Предыдущая публикация
ХъумхIертури сеналра
(ВатIа гьалабси чебла ихъули дявила хасси балбуцлизив алхунси Заур Аскандаровлис)
Исрапил Даудов,
Дибгаликла ши
ХъумхIертури сеналра
Заур хIела шантани,
ЧеббирцIу душмантасра
ХIела юлдашунани!
Пашманбиуб шила халкь
Аргъили вайси хабар
Дявила майдайчив ца
Шагьидвиуб чула шан!
Вирхулра ЧевяхIсини
ХIугъуна багьадурлис,
Савгъатбиру даимлис
Гьалжанализиб мерра.
Халатас «ацци» викIи
Зилантас «уцби» викIи
Лебилра исбагьибас
Рузби или дугьаилзи.
ХIулбани чебаибси
Сунени някъба биран,
Муэрлизиб чебаибси
ХIуруцIлизиб бируси.
Дуги-хIери хIеили,
Гьар даим гапикIалра,
Баласра дахъал ахIен
ЧерикIла багьадурлис.
Агарсири хIяжатдеш
Кумекличи живирес,
ДакIувири бусягIят
Къияндикиб мерличи
ХIебири хIебалуси
Уста сайри гьар шайчив,
Гьайдирахъи техника
Дусмадли тIашдизурти.
Сепайда, камти сарри
Сунес декIардарибти,
Дурхъаси ца Аллагьли
ГIямрула къантIти дусми
Сунес хIегибти гIямру
Дедаб сунела рурсбас,
УркIилизи сабур габ
Сунела гIязиз нешлис!
Следующая публикация
Нет комментариев