მსურს დედის დღე მივულოცო ყველა დედას, ყველა მომავალ დედას, ყველა ემიგრანტ დედას და ყველა ემიგრანტის დედას, ვინც ჩემსავით ახლოდან ვერ ულოცავს და შორიდან აწვდენს ხმას.

მინდა გისურვოთ ჯანმრთელობა, ბედნიერება, დღეგრძელობა, უფლის უხვი წყალობა და ღვთისმშობლის მფარველობა. თქვენს შვილებთან ერთად იხარეთ და იმრავლეთ.
მიყვარხართ და გეფერებით შორიდან.
♥შორიდან გიგზავნი იებს,
დედის დღეს გილოცავ დედა.
შენს დაღლილ ლამაზ სახეს
მე მხოლოდ სიზმარში ვხედავ!♥
♥ვიცი რომ ჩემს მოლოდინში,
ქუჩას გაჰყურებ დედა,
და შენს ემიგრანტ შვილზე
ჩუმად ლოცულობ დედა!♥
♥მე მენატრება ის დრო,
როცა ვიყავით ერთად.
შენი ნამზადი კერძის
გემო ვერსად ვპოვე დედა!♥
♥მაგრამ ცხოვრება ჩვენი,
არ მოწყობილა ლხენად.
ვწუხვარ რომ განაჩენი,
ასეთი გვერგო ბედად!♥
♥მაპატიე რომ კიდევ,
ვერ დაგიბრუნდი დედავ.
ნუ დარდიანობ ამდენს,
ნუ მიეცემი სევდას!♥
♥მინდა ჩაგიკრა გულში,
და მოგეფერო ბევრი.
გაკოცო გულის გულში
ჩემო ჭაღარა დედი!♥
♥მე ემიგრანტი შვილი,
ღმერთთან ერთ თხოვნას ვბედავ:
უფალო დიდხანს მიცოცხლე,
ნაშრომ-ნაჯაფი დედა!♥
♥დედის დღეს გილოცავ დედა,
გიგზავნი იების კონას,
ჩემს მონატრებულ სალამს
და ბევრ ცრემლნარევ კოცნას!♥
გულო ქურცაძე მაღლაკელიძე. სტამბული.02.03.2015.