აპრილის სიო ისე ჩუმად ჩურჩულებს ყურთან,

ჩუმად გვიმღერის გაზაფხულის ლამაზ სიმღერას.
ბუჩქის ძირს ია გაშლილა და ნაზად კეკლუცობს,,
იქვე მახლობლად სუმბული ყვავის ძლიერ ლამაზად..
რა საამოა გაზაფხულის ლამაზი დილა,
ყვავილის ფიფქი საამურად ედება მიწას.
ირგვლივ ყვავილის საამური სურნელი დაჰქრის
და სიყვარულით გააბრუა მთელი ქვეყანა.
ჟუჟუნა წვიმა გააგრილებს გულს გზააბნეულს.
ცვრის ნამად მიწას ეფინება ნაზი წვეთები.
იქით გვირილა გადაიპენტა მთების ფერდობზე,
აქეთ ყაყაჩო აბრდღვიალდა წითელ ფერებში.
რა საამოა, რა ლამაზი, როგორი ტურფა
ჩვენი სამშობლოს საოცნებო მთები, ველები.
ბედნიერება დაგებედოთ ირგვლივ სუყველას
და არ მოგაკლდეთ არასოდეს წყალობა ღმერთის....