მ ე გ ო ბ რ ე ბ ს

ძალიან დიდხანს დავეძებდი
სანდო მეგობარს,
ვერ ვპოვე იგი, სავსე ვიყავ
სევდით ყელამდე;
მადლობა უფალს, ახლა მისგან
ვითხოვ შენდობას,
ცხოვრების გზებმა მომიყვანა
ბოლოს თქვენამდე.
ბედნიერი ვარ, რომ გიპოვეთ
ასე კარგები,
რომ ასე გშვენით, მეგობრებო,
დიდი ღირსება,
როცა თქვენთან ვარ, მავიწყდება
გულის დარდები,
ღიმილს ვიბრუნებ და სიცოცხლე
მეხალისება.
ჩვენ ს ი ტ ყ ვ ი ს რწმენამ გვაპოვნინა
ჭეშმარიტება,
დაე, აღსრულდეს უფლის ნება, –
ს ი ტ ყ ვ ა არს ღმერთი,
მალე გვეხილოს საქართველოს
გამოღვიძება,
ჩვენთვის ქვეყანა მთავარია
და ერთადერთი.
რაც თავი მახსოვს, დავეძებდი
ერთგულ მეგობარს,
მაგრამ ვერ ვპოვე, სავსე ვიყავ
სევდით ყელამდე,
მადლობა ღმერთს, მე ახლა მისგან
ვითხოვ შენდობას,
რადგან უფალმა მომიყვანა
თავად თქვენამდე.