Предыдущая публикация
Аёл матонатдан яралган ҳилқат
Балки ҳарсангтошдан олган сабрини.
Тан олинг бор ахир битта ҳақиқат
Гоҳида билмаймиз унинг қадрини.
Аёл пойларингга тиз чўкса агар
Хўрлама у ахир севаркан чиндан
Е ўйла бир марта шу кунга қадар
Битта гул тутдингми жилмайиб дилдан.
Аёл алангадир кези келганда
У ҳам ёндиришда ўтади сендан
Фақат ибосини қилмайди канда
Устун турмай дейди Пир кам эркакдан.
Аёл мўъжизани яратгувчи зот
Шундан сен туғилдинг бўлма ношукур
Бир парча эт эдинг берганку ҳаёт
Унга бирор марта бердингми хузур.
Аёл севилишга арзийди шаксиз
Хўрлашга ҳаққинг йўқ унутма инсон
Ўзингиз қиласиз уларни бахтсиз
Ҳиёнатга сизлар берарсиз имкон.
Аёл бир ниҳолку парваришга зор
Унга ҳам эътибор, тадорик керак
Бўлмасин сизларчун тунлари бедор,
Аёлни эъзозланг бўлсангиз эркак...
Следующая публикация
Нет комментариев