Предыдущая публикация
1000000000000000000000000000
Бахтимнинг боғида гуллаган,
Ҳар ишда доимо қўллаган,
Фарзандлар камолин ўйлаган,
Соғ бўлинг, бахтимга, Онажон!
Емасдан едирган ўзингиз,
Киймасдан кийдирган ўзингиз,
Ҳақни ҳам суйдирган ўзингиз
Соғ бўлинг, бахтимга, Онажон!
Авайлаб етаклаб юргизган,
Йиқилсам, зор йиғлаб турғизган,
Йўлимни Ҳақ йўлга бурғизган,
Соғ бўлинг, бахтимга, Онажон!
Кўчадан келишим пойлаган,
Ўзи оч, тўқлигим ўйлаган,
Уммондек меҳрни жойлаган,
Соғ бўлинг, бахтимга, Онажон!
Сиз борсиз, кўзда йўқ сира нам,
Сиз борсиз, бош бўлмас сира хам,
Сиз борсиз, дилда йўқ сира ғам,
Соғ бўлинг, бахтимга, Онажон!
Йўлимни ёритган чироқсиз,
Отамга суюкли ўртоқсиз,
Қалбимнинг тўрида ардоқсиз,
Соғ бўлинг, бахтимга, Онажон!
Следующая публикация
Нет комментариев