Муҳаббатҳои ширине, ба дил бисёр мехоҳам.
Ман аз Соли Нави милод, паси сар карда ин соле,
Ба ҳар як одами дунё, барори кор мехоҳам.
Ман аз Соли Нави милод, ба зориву таваллоҳо,
Шифойи комили ҳар бандаи бемор мехоҳам.
Ман аз Соли Нави милод, тани солими одамро,
Ба саркӯбӣ, Худогӯйӣ, ба сад зинҳор мехоҳам.
Ман аз Соли Нави милод, баройи кулли сайёра,
Фазойи беғубори орӣ аз куштор мехоҳам.
Ман аз Соли Нави милод, сари ҳар як муҳоҷирро,
Ба рӯйи зонувони модарони зор мехоҳам.
Ман аз Соли Нави милод, аз тарси Худовандӣ,
Каме инсоф, ба ҳар савдогари бозор мехоҳам.
Ман аз Соли Нави милод, ба истиқболи Наврӯзӣ,
Дили аз шодиву базму тараб, саршор мехоҳам.
Ман аз Соли Нави милод, сари ду зону бо саҷда,
Ба боғу хӯшаи гандум, сари пурбор мехоҳам.
Ман аз Соли Нави милод, ҷамоли одамиятро,
Кушода, бениқоб, бепардаву асрор мехоҳам.
Ман аз Соли Нави милод, ба васфи Модари тоҷик,
Зи дасти хомаи дил, беҳтарин ашъор мехоҳам.
Ман аз Соли Нави милод, ба ду чашми умедворӣ,
Ба Кайҳон, аз дари Яздон, дили бедор мехоҳам. Соли нав муборак!
Присоединяйтесь к ОК, чтобы посмотреть больше фото, видео и найти новых друзей.
Нет комментариев