Эрмак бўлди мухаббат,

Эртак бўлди мухаббат.
Сохта меҳрлар аро,
Тентак бўлди мухаббат.
Нархли бўлди ваъдалар,
Талхли бўлди бўсалар.
Шу замонда кимга ҳам,
Керак бўлди мухаббат.
Чеки йўқ хижронларин,
Сабри йўқ армонларин,
Ёлғонлар диёридан,
Дарак бўлди мухаббат.
Ҳар дилга қўнавериб,
Ҳар шартга кўнавериб,
Хирс йўлида бетайин,
Истак бўлди мухаббат.
Юлдузлар аросатда,
Ой ҳам минг хижолатда,
Ҳилватларда харомга,
Тўшак бўлди мухаббат.
Ёниб ёна олмайсан,
Тониб тона олмайсан,
Кўнгли қора зотларга,
Безак бўлди мухаббат.
Таровати бегона,
Саодати афсона,
Сас-садоси ёқимсиз,
Хуштак бўлди мухаббат.
Юраклар зор йиғлармиш,
Дунёларга сиғмасмиш,
Алмисоқдан қолган бир,
Чўпчак бўлди мухаббат.
Аввал бошда бир орзу,
Сўнгра дил тўла қайғу,
Энди хеч ким истамас,
Тилак бўлди мухаббат.
Эртак бўлди мухаббат,
Эрмак бўлди мухаббат,
Исмоил ишонмаган,
Чўпчак бўлди мухаббат.
Исмоил ҚАМБАРИЙ