როგორც კატალონიელთა განაპირა მცველი აცხადებს, "ბარსელონა" სერიოზულ ძალას დღესაც წარმოადგენს. "ჩვენთან არაფერი მომხდარა. შეიცვალა ერთადერთი რამ - მოთხოვნები. ის ყოველწლიურად უფროდაუფრო იზრდება. ჩვენ მწყობრში ვართ", - აცხადებს დანიელ ალვესი. "პრობლემა იმაში მდგომარეობს, რომ ხალხს დღევანდელი "ბარსას" შედარება, ხოსეპ გუარდიოლას დროინდელთან სურს, რომელიც 2009 წელს გუნდს ერთბაშად ექვსი ტიტულის მოპოვებაში დაეხმარა". "წლები გადის, ადამიანები მიდიან და მოდიან, იცვლება მუშაობის ფილოსოფიაც, მაგრამ "ბარსელონა" ჯერ კიდევ ძალიან ძლიერია", - დაასრულა ბრაზილიელმა ფეხბურთელმა.